हैमनडार्प साब (1909-1995) आस्ट्रिया देस्नोर आंदुर. तन्वा जिन्गनितगा चालिस (40) साल्क बारत अनि नेपल देस्क्नगा गुट्टंग-केडेनगा मंवलिर मा दात्नुर लोकुर साटि काम कीतोर।
वोर साब मोदोडा आदिलाबाद जिल्लाता, जैनूर मंडलता मर्लवायि इंवल नाटे 1941-1943 सालकुन नड्डुम मत्तोर. अस्के कोया बासतुन सुद्रि किय्ले अनि राकि किय्ले साडंग सुरु कीतोर. अनि मावा रीति-रिवजुन बारेते पुस्तक लिहि कीतोर. वोना वेय्लोना पोरोल बेट्टी एलिजबेत. 1989 वेरि मर्लवायि वोर साब वासेर-सोन्जेर मत्तोर. मरन आता पेजे वूरकुन हेतु किय्ले, मा कोय्तुर वेलेटिर हर साल पूस महिना अकरा (11) तारिकुन नेटि, वूरंग पुत्लनगा वाजा-गाजते पूजा पतेरा कींतेर.
