बासा इंवल बगवंतल नरिमन्कन सीता वरम आंदु. इद बासतुन हिंदले माय्नलिर कलितगा मंवल् सम्दो जाति-जंवर्तल वेले अलग मंतोर. माय्नलिर वोरोन संगा वोरोर वड्कन साटि, तम्गा मंवल सोन्च-विचरदुन, कुसा-आनंदुन, काया-कस्टम अनि दुक्सतुन वेह्चि तोह्ले कामि सींता. इद दुनियतुन गडि कीतोर वोर बगवंतल तंवा संगा गिर वड्कन साटि अनि बाव-बक्तिता लागि-बागिते मंदना इन्जेर दर्मा-ग्रंतुन लिहि कियुसि जग-दुनियतुन सीतोर. इद दर्मा-ग्रंत्नगा पूरो साट सारुंग (66) चुड्डुक पुस्तक मंतंग. इवेनल लग-बग अर्दो पुस्तक मावंग कोयने लिहि किय्वल जर्ग्ता.
इद ग्रंत्नगा कलि बहन निव्डे माता? मोदोडोर नरिमन्कल बहन निव्डे मातोर? वोन्गा जीवा अनि आत्मा बगटल वाता? हर वोरोर साता पेजे बगा दांतोर? पातडतगा सोन्जि सिक्सा बोगे माय्वक मंले बतल कियना? स्वर्ग्नगा सोंदना इत्तेके मरट बतल कियना? इव सम्दो सवलकुन जवब इद ग्रंत्नंग् पुस्तक्नगा पुटंता. इव पूरो पुस्तक बगवंतल माकुन बचोर लाड कींतोर इंवडुन बारेते वेहंतंग. अदेन साटि इव सम्दो पुस्तकुन वाचि कीसि, नीकुन मंवलिक सवलकुन जवब पुटुस्कि इन्जेर कोर्सेर मंतोम.
