पेंदोंग

Downloads

पाल्द रोपो पाल बद पाल डगुर?	बेयेना पाल
पुंगड रोपो पुंगर बतता पुंगर डगुर?	कापुस्ना पुंगर
कायत रोपो काया बतता काया डगुर?	माय्नना काया
सम्दुर्त रोपो सम्दुर बद सम्दुर डगुर?	पुर्का
पियल मींडंता नर्का निलंता बतल?	दड्मि
चहा दाम्डिंग चह्‍तेर कुरंग-पड्डंग दोह्‍तेर. अव बव आंदुंग?	तेर्यवेलि-तेर्यंग
मूंद पेट्टिंग बारा बोम्क. बतल आंदु?	जतुर
कार्यल मूरा चह्‍क तिंता. बति येर सूड्सि निलंता. अद बतल?	चेपुल
कुप्पा गुड्सेंग वन्जि जालिंग. बतल आंदु?	मोसोर
कोर्डो कुहिते कले बोम्ले मंतोर. इत्तेके बतल?	कसटि
चुड्डुर मंनेके पोंडंता. डगुर आतेके बोंग्डल मंदंता. बतल?	वेद्दुर
पोर्रो गूडा बूड मोसोक इत्तेके बतल?	हिरुक
नोव लाक काडि नेट्क्सि वरा इत्तेके बतल?	तल्लदंग केल्क कटिंग कियुस्वल
मेसेल बंडत बूड पेसेल्क पिरंतंग इत्तेके बतल?	हाबर-सुकुक
इट्टा मुचुक मिंडा वसो इत्तेके बतल?	कावड केह्‍वल
चुडुर पिटतंग रोन मेन बूरंग इत्तेके बतल?	डिवे
सोन सोन बोड्का, नना वासि सेड्का इत्तेके बतल?	इरुक राल्वल गारंग आय्वल
सोंनेके डुमल दांतेर. वानेके रुमल दोह्‍चि वांतेर. वूर बूर आंदिर?	लेहेंग
वोना मेंदुडुन वोरे पाय्वल इत्तेके बतल?	कड अनि मिंदिंग
दांतोर-वांतोर बति बोनय कोजि अरो इत्तेके बतल?	आक्डा
सोन सोनेके चुट्क्ने तूरंता बतल?	ऊच
बोड्कल गुट्टतगा कुर्स मेयंता बतल?	मय्जा
कुर्स वितंता पाल तुरंता बतल?	जत्ता अनि पिंडि
सम्दो वेंता बति मच्चना लंगुटि वेयो बतल?	सारि
लह्‍क-लह्‍क तिंता चुननय पेल्कंता बतल?	तड्मि अनि नीर
पियल-पोड्द केडा वेलियंता. पोद्रेका वासि कोत्ता अच्चोर जागतगा मंवल बतल आंदु?	गाय्किना बेड्डे
सोनेके सम्दो पेजे मल्सि सूडंतंग, बति उंदि मात्रम सूडो बतल?	पेंने
मूरा बोक्कतुन वहंता. बोक्का पियतुन वहंता इतेके बतल?	कोर, मेस अनि कोर पिलंग
कच्चि बेड्डे टिडिंग इत्ता. सोमना कोंदा चतक निल्ता इत्तेके बतल?	बांडे अनि माव
आति इनेकेन लंग आय्वलिक अनि मामा इनेकेन करुम आय्वलिक बतंग?	सिव्लिंग
पिय्का इन्जेर बच्चोर पर्पेडे मातेके गिर साप्डे मायो बति सिरिप मोसुडेने साप्डे मांता. अद बतल आंदु?	वास (गाडि)
मेय्वल इचुसि बति आड्वल गुट्टा पूरो रोन्जंता. अद बतल आंद?	बांडे
कड्क बोडलिक मंदंतंग बति रकेसल आयोर. तलतल पोया पेसियंता बति बूत आयोर. सरसरा वितंता बति तरस आयो. निमे बतल आंद इंति?	रेल गाडि
मुविर तादल-तमुर रात-दिहा अविवक्ने ताक्सेरेन मंदंतेर. वूर बूर आंदिर?	गडितगा मंवलिक मूंद काटंग
रोन-रच्चा तिरियंता मूलते वासि उद्दंता. अद बतल?	केय्सर
ममोट येड्विर तादल-तमुक वोरोर-वोरोर मतेके वेहा पर्वि बति मीरे मासि मत्तेके वेहंति. ममोट बूर आंदुम?	कमल पट्टि
रोन पूरो वेड्चि सीसेर तंवा तनय मिंग्वल बतल आंदु?	होम बत्ति
आकि मरुम बाकि	सापा
इचुर्सा कांडि वेलुक-वेलुक कडंतोर	सुय
उंदि सीसतगा रेंड रंक मदंतंग	मेस
गुस्रल गुटद्गा पद्दि कूडंता	डाडि पुर्कि
चुड्डुसा कांडिन नडिमेन गाग्रंग	सडयि मोरोल
चुड्डुसा कांडिन रग्गल रुमल	कोह्‍का
नरुम्सेर मदांता बति कड्क मुहो	मीन
नोव लाक्ना उंदि दर्वजा	आडे
पुतित बौतल ऊतिंग तिरियंतंग	कल
मुने-मुने कुर्स वितंता पेज्जेय पाल तुरंता	जत्ता
मोटा मोटा गर पोड्ते	गूसि

నీవ బతయ్ సవల్ మతెకె మాకున్ రొహ

Would you like to share what this Scripture taught you today?

Your encouragement is valuable to us

Your stories help make websites like this possible.