मा कोय्तुर्गटल वेलेटिर केडेंग-गुटनेके मन्जेर पूनंग-पूनंग बोंमिंग पासेर येव्सा कीसेर मंदंतेर. सार्कर्ता हुकुमतुन हिंदल इंके पूनंग बोंमिंग पाय्वल कमि आता. कापुस, जोंना, तूरिंग, सोयेक, पेसेल्क, पुड्पुल्क, वाय्नोक, लेहे जोंना, सामंग-बाडिंग ईतंग वेले पंटंग पंडुसींतेर.
येव्सत साटि साव्करनगा अनि दलल्क्नगा सोन्जि, वड्डिने कोततंग येत्वडुन हिंदल मावुर्कुन् वेले मोसेम अनि नुक्सन् जर्ग्सेर मंता. वूर वड्डिन पोरो वड्डिंग वाड्सि पंड्ता पंटा सम्दो वूरा केय्दे ऊमंतेर. बद्दो तोडो-बोहो मंदंता अदेने मा लोकुर् कल्क उन्जि, आगम कामकुन साटि कर्चा कीसि महंतेर. इदेनल बह्रि अर्ले मरट बहन ताक्तेके चोकोट मंदंता इंवल सोन्च कियना.
