𑵢𑵸 𑵰𑶊 𑵮𑶊𑶉𑵳𑶊 𑵢𑶕𑵽𑶈𑶗𑵺𑶐𑵽𑶗𑵺𑶊 𑶈𑶓𑵺 𑵡𑶕𑵸𑶍!

𑵢𑵸 𑵭𑶐𑵮 𑶉𑵬𑶗𑵽 𑶉𑶋𑶈𑶋𑶅 𑵰𑶊 𑵱𑶓𑵬𑶊-𑵱𑶓𑵬𑶗𑵳𑶍𑶈 𑶉𑶊𑵽𑶋𑵺𑶐 𑵳𑵬𑶈 𑵱𑶋𑵬𑶗𑵭𑵵 𑶀𑶈𑶗𑵶𑶗𑵳𑶊. 𑵭𑶊𑵬𑶗𑵭𑵵𑶋𑵱 𑶅𑶋𑶂𑶋𑵺𑶍𑶈 𑶉𑶊𑵽𑶋 𑵰𑶊𑵭𑶊 𑵱𑶓𑵬𑶊 𑵮𑶊𑶉𑵳𑶍𑵺 𑶈𑶊𑵱𑶋 𑵱𑶌𑶉𑶋 𑵢𑶈𑵺𑶊. 𑵰𑶊𑵭𑶊 𑵮𑶊𑶉𑵳𑶍𑵺 𑵰𑶈𑶍𑶄𑶗𑵭𑵵𑶋𑶈𑶗 𑵻𑶍𑶂𑶍𑵱-𑶂𑵶𑶍𑵱 𑵰𑶈𑶍𑶄𑶗𑵭𑵱 𑵰𑶕𑵸𑵺𑶊 𑵢𑶕𑵭𑵵𑶐 𑵰𑶍𑵱𑶐 𑵤𑵸𑶐𑶉 𑵡𑶕𑵸𑶍. 𑵮𑵶𑵭𑶕𑵳𑵵 𑵰𑶊𑵱𑶍𑵺 𑶉𑶌𑵳𑶊 𑵢𑵸 𑵮𑶊𑶉𑵳𑶍𑵺 𑵰𑶈𑶍𑶕𑵱𑵽 𑵳𑶐 𑵮𑵭𑶋𑶉𑵳𑶗𑵺𑶐 𑵤𑶕𑵸𑶋 𑵺𑶐𑵽𑶋 𑵰𑶈𑵽 𑵧𑶉𑶗𑵽𑶋, 𑵡𑵸𑶋𑵭𑶊𑶉𑶋𑶈 𑵡𑶕𑵸𑶍𑵰 𑵢𑵳𑶐𑵱𑶐 𑵶𑶋𑶈 𑵮𑶓𑶈𑶐 𑵺𑶕𑵰𑶍𑶈. 𑵰𑶊𑵭𑶄 𑶇𑵱𑶍𑵺 𑵭𑶊𑶅𑶗𑶈𑶋 𑵱𑶋𑵬𑶊 𑶅𑶈𑶗𑵭𑵽.

𑵢𑵸 𑵭𑶐𑵮 𑶉𑵬𑶗𑵽𑶗𑵺𑵶 𑵰𑶊 𑵮𑶊𑶉𑵳𑶍𑵺 𑵮𑶊𑶈𑶐𑵳𑶐 𑵭𑶐𑵵𑶐 𑵻𑶌𑶀𑶗𑵱 𑵰𑶕𑵳𑶄. 𑵠𑵭 𑵮𑵭-𑵮𑵭 𑵢𑵳𑶗𑵳𑶐𑵱𑶐 𑶂𑶋𑵱𑶗𑶉𑵺𑶋𑶈𑶋, 𑵸𑶍𑶉𑶗𑶈𑶓𑵱 𑵮𑶊𑶉𑶄 𑵱𑶈𑶋𑵬𑵺 𑶉𑶊𑵽𑶋 𑵶𑶓𑶕𑶂𑶋 𑵮𑶊𑶉𑵳𑶊 𑶅𑶍𑶉𑶗𑵳𑵱, 𑵰𑶊𑵭𑶄 𑶉𑶂𑶗𑵱, 𑵰𑶊𑵭𑶄 𑵭𑶐𑶉𑶍𑶂𑶋𑶄, 𑵰𑶊𑵭𑶄 𑶅𑶊𑵽𑶄, 𑵸𑶍𑶉𑶗𑶈𑶓𑵱-𑵸𑶍𑶉𑶗𑶈𑶓𑵱 𑵰𑶊𑵭𑶄 𑶅𑶍𑶉𑶗𑵳𑵱 𑵠𑵺𑶋 𑵭𑶋𑶂𑶋𑵬𑶓𑶄 𑵶𑶋𑶈 𑵰𑶕𑵳𑶄. 𑵢𑵭 𑶉𑵰𑶗𑵸𑶓 𑶉𑶎𑶂𑶗𑶉𑶋, 𑵱𑶈𑶋 𑵱𑶌𑶉𑶋 𑵢𑵸𑶐𑵺 𑵮𑶊𑶈𑶐𑵳𑶐 𑵸𑶍𑶉𑶗𑶈𑶍𑶈𑶗𑵱𑶍𑵺𑶗 𑵶𑶋𑶈 𑵭𑶐𑶇𑵺𑶊 𑵢𑵺𑶗𑶀𑶐𑶈 𑵱𑶓𑶈𑶕𑵳𑶓𑵰.

𑵢𑵭 𑵮𑶎𑶂𑶗𑵺𑶄 𑶅𑶓𑵽𑶓𑵺𑵶𑶊 𑵮𑵸𑶐 𑵤𑶕𑵸𑶋𑵳𑶍𑵺 𑵠𑶇𑶗‍𑵻𑶗𑵳𑶐𑵱𑶐 𑵠𑵸𑶐𑵺 𑵮𑶊𑶈𑶐𑵳𑶐 𑵤𑶕𑶂𑶐 𑵠𑵸𑶋𑵱 𑶉𑵰𑵻𑶊𑶈 𑵰𑶕𑵭𑵵 𑶀𑶊𑵶𑵳𑵶𑶊 𑵭𑶓𑶕𑵳𑶊.

నీవ బతయ్ సవల్ మతెకె మాకున్ రొహ