𑶉𑶂𑶗𑵱

𑵸𑶍𑵺𑶋𑵬𑵳𑶍𑶈 𑶉𑵰𑶗𑵸𑶋𑶈𑶗𑵶𑵽𑵵𑶗 𑵠𑵸𑶋𑵱 𑵰𑶊 𑵵𑶓𑵱𑶍𑶈𑵱𑶍𑵺 𑶅𑶐𑵺𑶗𑵱 𑵰𑶕𑵸𑶕𑵳𑶄. 𑵳𑶐𑵳𑶗𑵳𑶋𑶉 𑵱𑶓𑵽𑶋 (33,00,00,000) 𑶅𑶐𑵺𑶗𑵱 𑵰𑶕𑵳𑶄 𑵢𑵺𑶗𑶀𑶐𑶈 𑶅𑶐𑵸𑶗𑵸𑶓𑵵𑶗𑵱 𑵭𑶐𑶇𑶕𑵳𑶐𑶈. 𑵢𑵭 𑶉𑵰𑶗𑵸𑶓 𑶅𑶐𑵺𑵱𑶍𑵺 𑶉𑶊𑵽𑶋 𑶉𑶊𑵵 𑵰𑶐𑵺 𑵢𑵳𑶗𑵳𑶐𑵱𑶐, 𑵸𑶇𑶊-𑶅𑶕𑵸𑶗𑶈𑶊 𑶈𑶓𑶀𑵱𑶍𑵺 𑵤𑶕𑵸𑶋 𑶉𑶂 𑵳𑶍𑶄𑶗𑶉𑶐𑶈𑶐𑵺 𑵰𑶕𑵸𑶕𑵳𑶐𑶈. 𑵢𑵭 𑶉𑶂𑵱𑶍𑵺 𑵻𑶓𑵱𑶓𑵽𑶐 𑵳𑶓𑵳𑶗𑵳𑵵 𑶀𑶈𑶗𑵶𑶍𑶉𑶌𑶉𑶐𑶈, 𑶈𑶌𑵳𑶋-𑶈𑶋𑵭𑶀 𑵺𑶐𑵱𑶋𑶄 𑶅𑶋𑵬𑶗𑶉𑶋 𑵳𑶊𑵱𑶗𑶉𑶐𑶈 𑵰𑶕𑵳𑶐𑶈. 𑵺𑵰𑶍𑵺𑵳𑶍𑵺 𑵸𑶍𑶈𑶂𑶋, 𑵻𑶐𑵬𑶗𑵳-𑵮𑶌𑵰𑵺𑶄 𑵰𑶈𑶗𑵰𑶋𑶄, 𑵮𑶊𑵭𑶐𑵬𑵳𑶍𑵺-𑶅𑶐𑶈𑶗𑶉𑶄 𑶅𑶐𑵺𑶗𑵱, 𑶈𑶐𑵬𑶗𑶉𑶋 𑵳𑶋𑶕𑵭𑵵, 𑵮𑶎𑶂-𑵮𑶊𑵭𑶐𑵬-𑶅𑶋𑶈 𑶅𑶐𑵺𑶗𑵱, 𑵡𑵱𑶂𑶋, 𑶅𑶓𑶈𑶊, 𑵺𑶓𑵭𑶓𑶄, 𑶉𑶈𑶗𑵱𑶊𑶈𑶋 𑵸𑶉𑶗𑶈𑶊, 𑶅𑶐𑵺𑶗𑵱𑶗𑵺𑶊 𑵸𑶉𑶗𑶈𑶊, 𑵸𑶋𑵭𑶂𑶋, 𑶉𑶕𑵱𑶈𑶊𑵳𑶗𑶈𑶋, 𑶅𑶎𑶉 𑶅𑶐𑵺𑶗𑵱 , 𑵸𑶍𑶈𑶂𑶋 𑵠𑵺𑶋 𑵮𑶊𑵭𑶐𑵬 𑶅𑶐𑵺𑶗𑵱 𑵣𑵳𑶄 𑵤𑶕𑶂𑶐 𑵭𑶐𑵵𑶗𑵵𑶐 𑶉𑶂𑶗𑵱 𑵳𑶍𑶄𑶕𑵳𑶐𑶈.

𑵢𑵭𑶐𑵺 𑵮𑶊𑶈𑶐𑵳𑶐 𑵸𑶍𑶉𑶗𑶈𑶍𑶈, “𑵰𑶌 𑵱𑶓𑵬𑶗𑵳𑶍𑶈 𑵳𑶐𑵳𑶗𑵳𑶋𑶉 𑵱𑶓𑵽𑶋 𑶅𑶐𑵺𑶗𑵱𑶗𑵺𑶊 𑶉𑶐𑵭𑶊 𑵱𑶌𑶉𑶐𑶈, 𑵢𑵻𑶗𑵻𑶓𑶄 𑵭𑶐𑵵𑶐 𑶉𑶂𑶗𑵱 𑵳𑶍𑶄𑶕𑵳𑶐𑶈. 𑵮𑵳𑶋 𑵮𑶊𑶈𑶋 𑶉𑶍𑵸𑶗𑶈𑶐 𑵰𑶊𑶉𑶐𑶈 𑶉𑶐𑵵𑶗𑵵𑶍𑶈?” 𑵢𑵺𑶗𑶀𑶐𑶈 𑵱𑶇𑶋𑵳𑶍𑶈 𑶅𑶎𑶉𑶋 𑵱𑶌𑶕𑵳𑶐𑶈. 𑵠𑶇𑵺 𑶅𑶎𑶉𑶋 𑵱𑶋𑵬𑶗𑵭𑵵𑶋𑶈𑵱𑶍𑵺 𑵰𑶊𑵭𑶊 𑶉𑵰𑶀𑶗𑵺𑶍𑶈 𑵮𑵸 𑵳𑶈𑶋𑵱𑵳𑶐 𑶉𑶍𑵸𑶗𑶈𑵺 𑵡𑶉𑶋 𑶀𑵭𑵮 𑶉𑶋𑵬𑶊 𑶅𑶈𑶗𑵱𑵽𑶗 𑵢𑶕𑵳𑶋? 𑶉𑶐𑵵𑶐𑵱𑶐 𑵮𑵸 𑵳𑶈𑶋𑵱𑵳𑶐 𑵮𑶇𑵺 𑵰𑶊𑵭𑶊 𑶅𑶋𑶉𑶗𑵭𑵵 𑵰𑶊𑶈𑶋𑵳𑶐𑵱𑶐 𑵰𑶊𑵭𑶊 𑶉𑵰𑶀𑶗𑵺𑶍𑶈 𑶉𑶍𑵸𑶗𑶈𑵺 𑵡𑶕𑵳𑶊 𑵢𑶕𑵳𑶋? 𑵢𑵸𑶐𑵺 𑵮𑶊𑶈𑶐𑵳𑶐 𑶉𑶓𑵺𑶗𑵻 𑵱𑶌𑵱𑶋 𑵢𑵺𑶗𑶀𑶐𑶈 𑵱𑶓𑶈𑶗𑶉𑶐𑶈 𑵰𑶕𑵳𑶓𑵰.

నీవ బతయ్ సవల్ మతెకె మాకున్ రొహ