𑶂𑶕𑶂𑶈𑶋

𑵰𑶊 𑵵𑶓𑵱𑶍𑶈𑶗𑵱𑶍𑵺𑶗 𑶉𑶊𑵵 𑶅𑶎𑶈𑶓 𑶇𑶈 𑵰𑶇𑶋𑵺𑶊 𑵤𑶕𑵸𑶋-𑶈𑶕𑶂𑶗𑵳𑶐𑶈 𑶉𑶂𑶗𑵱 𑵰𑶕𑵸𑶕𑵳𑶄. 𑵠𑵭 𑶉𑵰𑶗𑵸𑶓 𑶉𑶂𑶗𑵱𑶗𑵺𑵶𑵽𑵵 𑶂𑵶𑶍𑶈 𑶉𑶂 𑵸𑶋𑵭𑶂𑶋. 𑶅𑵸𑶗𑵰𑵵 𑶅𑶎𑶈𑶋 𑵱𑶊𑵱𑶓 𑵠𑵺𑶋 𑶈𑶊𑵭𑶍𑶂𑶗𑵱 𑵢𑶕𑵭𑵵𑶋𑵱 𑶅𑶐𑵺𑵱𑶍𑵺 𑶉𑶐𑵭𑶊 𑵱𑶋𑵬𑶗𑵵𑶐, 𑵱𑶓𑶂𑵵, 𑵰𑵵 𑵮𑶎𑶈𑵺𑶐 𑵳𑵬𑶈 𑵱𑶌𑵳𑶄 𑵽𑶓𑶅𑶋𑶄, 𑶈𑶓𑵱𑵵𑶋𑵱, 𑶀𑶕𑵭𑶈𑵳𑶄 𑵳𑶓𑵵𑶗𑵱, 𑶅𑶈𑶊, 𑵭𑶐𑵽𑶗𑵽𑶐, 𑵳𑶍𑶂𑶍𑵰, 𑶂𑶅𑶗𑵱 𑵠𑵺𑶋 𑵻𑵻𑶗𑵻𑶓𑵬 𑵱𑶓𑵵𑵺𑶊 𑶅𑶎𑶀𑶊-𑶅𑵳𑶐𑶈𑶊 𑵱𑶌𑶕𑵳𑶐𑶈.

𑵮𑶓𑵶𑶋𑵳 𑵺𑶐𑵽𑶋 𑵶𑶍𑶉𑶂𑶗𑵱 𑵠𑵺𑶋 𑵸𑶋𑵱𑶗𑶂𑶋𑵬𑵵𑶋𑶈 𑵬𑶐𑶉𑶐𑵵𑶗𑵱 𑵬𑶐𑵳𑶕𑵳𑶐𑶈 𑵠𑵺𑶋 𑵱𑶓𑵵𑵮𑶓𑶂𑶋 𑵡𑵺𑵵 𑵭𑶐𑶈𑶋 𑵠𑵭 𑶅𑶐𑵺𑶗𑵱𑶗𑵺𑶊 𑶅𑶎𑶀𑶊 𑵱𑶌𑶉𑶐𑶈 𑵬𑶐𑵺𑶗𑵻𑶐𑶈𑶗 𑵰𑶕𑵸𑶕𑵳𑶐𑶈. 𑵶𑶍𑶉𑶂𑶗𑵱 𑵠𑵺𑶋 𑵸𑶋𑵱𑶗𑶂𑵵𑶋𑶈 𑵠𑵭 𑵸𑶋𑵭𑶓𑶉𑶗𑵱𑶗𑵺𑵶𑶊 𑵠𑵭 𑶅𑶐𑵺𑶗𑵱𑶗𑵺𑶊 𑵸𑶗𑵬𑶊𑶕𑵳𑶐 𑵬𑶐𑶈 𑵳𑶍𑶄𑶗𑵭𑵱 𑵰𑵺𑶗𑶀𑶐𑶈, 𑵮𑶊𑵭-𑵮𑵱𑶗𑵳𑶋 𑵱𑶌𑶉𑶐𑶈 𑵰𑶕𑵸𑶕𑵳𑶐𑶈. 𑵠𑵭 𑵸𑶋𑵭𑶓𑶉𑶗𑵱𑶗𑵺𑵶𑶊 𑵰𑶊 𑵵𑶓𑵱𑶍𑶈 𑶂𑶕𑶂𑶈𑶋 𑶅𑶋𑵬𑶗𑶉𑶋 𑵸𑶍𑶉𑶗𑶈𑶓 𑵺𑶊𑵽𑶐 𑶉𑶓𑶕𑵭𑵵, 𑵠𑵸 𑵺𑶊𑵽𑶗𑵺𑶍𑶈 𑵳𑵰𑶗𑵶𑶊 𑵭𑶊𑵬𑶗𑵭𑵵 𑶀𑶈𑶗𑵶𑶕𑵳𑶊. 𑵢𑵸 𑵳𑶌𑶈𑶗𑵸𑶐 𑵤𑶕𑵸𑶋 𑵺𑶊𑵽𑶗𑵺𑶍𑶈 𑵤𑶕𑶂𑶐 𑵤𑶕𑵸𑶋 𑵺𑶊𑵽𑶗𑵺𑶍𑶈𑶗𑵱𑶍𑵺𑶗 𑵰𑶊𑵺-𑶅𑶊𑵺 𑵱𑶋𑵬𑶗𑵭𑵵𑶗 𑵮𑶐𑵬 𑵻𑶓𑵱𑶓𑵽 𑵳𑶊𑵱𑶗𑶉𑶐𑶈 𑵰𑶕𑵳𑶊. 𑵮𑵳𑶋 𑵢𑵭 𑵰𑶊𑵭𑶄 𑶅𑶐𑵺𑵱𑶍𑵺 𑵸𑶍𑶉𑶗𑶈𑶓𑵱 𑶀𑶊𑵳𑶋𑵺𑶍𑶈 𑵰𑶍𑵺𑶐 𑵠𑵺𑶋 𑶉𑶈𑶗𑵱𑶊𑶈𑵳𑶍𑵺 𑵠𑵸𑶋𑵱𑶊𑶈𑶋𑶈 𑵰𑶍𑵺𑶐 𑵮𑶉𑶗𑵱𑶐 𑵢𑵳𑶗𑵳𑶐𑵱𑶐 𑵠𑶉𑶗𑵱𑶐, 𑵬𑶐𑶇𑶗‍𑵭𑵱 𑵰𑵳𑶗𑵳𑶐𑵱𑶐 𑵠𑵭 𑶅𑶐𑵺𑶗𑵱𑶗𑵺𑶊 𑵺𑶐𑵱𑶋-𑵮𑵸𑶋𑵳𑶍𑵺 𑵠𑵺𑶋 𑵠𑵭𑶐𑵺𑶊 𑵭𑶋𑵵𑶍𑵭𑵳𑶍𑵺 𑵱𑶊𑵮𑶊𑶂𑶗𑵳𑶍𑶈 𑵡𑶕𑵳𑵽. 𑵢𑵸𑶐𑵺 𑵮𑶊𑶈𑶐𑵳𑶐 𑶅𑵽𑶋 𑵱𑶋𑵬𑶗𑵭𑵱 𑵰𑵳𑶗𑵳𑶐𑵱𑶐, "𑵱𑵵𑵸𑶍𑵺 𑶉𑶊𑵽𑶋 𑵠𑵺𑶋 𑵱𑶓𑵳𑶗𑵳𑵺 𑶉𑶊𑵽𑶋 𑵭𑶎𑶈 𑵳𑵰𑶗𑵭𑶄 𑶅𑶐𑵺𑵱𑶍𑵺 𑵬𑶐𑶇𑶕𑵳𑶐𑶈" 𑵢𑵺𑶗𑶀𑶐𑶈 𑵸𑶍𑶉𑶗𑶈𑶓𑵱 𑶀𑶊𑵳𑶋𑵺𑶍𑶈𑶗 𑵢𑶕𑵵𑶐 𑵰𑶓𑵱𑶊 𑶉𑶌𑵳𑶍𑶈 𑵡𑶕𑵳𑵽. 𑵠𑵸𑶐𑵺 𑶉𑶊𑵽𑶋 𑵰𑶊𑵭𑶄 𑵱𑶓𑵬𑶊 𑵶𑵺-𑵶𑶓𑵳𑶗𑵺𑶄 𑶅𑶐𑵺𑶗𑵱𑶗𑵺𑶊 𑵭𑶋𑵵𑶍𑵭𑵳𑶍𑵺 𑶈𑶊𑵱𑶋 𑵱𑶋𑵬𑵺𑶊 𑵢𑵺𑶗𑶀𑶐𑶈 𑵱𑶓𑶈𑶗𑶉𑶐𑶈 𑵰𑶕𑵳𑶓𑵰.

నీవ బతయ్ సవల్ మతెకె మాకున్ రొహ