दुनियतुर सम्दिर्गटल् अदिक मा लोकुरकुन पेन्क मंदंतंग. तेत्तिस कोटि (33,00,00,000) पेन्क मंतंग इन्जेर पेद्दोल्क वेहंतेर. इव सम्दो पेनकुन साटि साल मेन इत्तेके, दहा-पंद्रा रोजकुन उंदि सड तुंग्सेरेन मंदंतेर. इव सडकुन चोकोटे तोत्तल जर्गुसीसेर, रीति-रिवज नेकिंग पिय्सि ताक्सेर मंतेर. नमुनतुन दुरडि, चेय्त-बीमनंग मर्मिंग, बावेयतुन-पेर्संग पेन्क, रेय्सि तिंवल, बूड-बावेय-पिर पेन्क, आकडि, पोरा, नोवोंग, सर्कारि दस्रा, पेन्क्ना दस्रा, दिवडि, संकरात्रि, पूस पेन्क ईतंग उंडे वेल्ले सड्क तुंगंतेर.
इवेन बारेते दुस्रुर, “मी कोय्तुर तेत्तिस कोटि पेन्क्ना सेवा कीसेर, इच्चोंग वेले सड्क तुंगंतेर. बति बारि सुद्रे मासेर सेल्लुर?” इन्जेर पूसि कीसेर मंतेर. वूर आतुरकुन बातल जवब वेह्का इंति?
